بصوا يا جمااااعة.. بصوا يا .... !!
كل اللي قاعدين ع المنتدى نقدر نعرف شخصيتهم م الاكل اللي بياكلوه
هتقولولي إزاي ؟!!!!
أقولكم دي دراسة عملها عالم اسمه (ألين هيليس ) علي عينة من الاشخاص لاكتشاف عواطفهم من خلال الاكل اللي بياكلوه
بس لازم نعرف انها الصفة الغالبة على طعام الشخص
ودي نتيجة الدراسة
اولا : نكهات الطعام
االناس اللي بتحب الاكل مر : انسان مخلص ولكنه لا يحب مواجهة الغير
او اللي بيحب الاكل مالح : انسان حنون ويتعامل مع الآخرين برقة
او اللي بيحب الاكل بالبهارات : انسان متجدد يحب الاثارة والمغامرة
او اللي بيحب الاكل بالفلفل : انسانيحب اعطاء الاوامر ويهتم بالتفاصيل
اما الناس اللي بتحب المخلل : ده بقى يا اخوانا بيحب التغيير ( وكلنا نحذر مراته أو خطيبته منه واحنا مش بنجيب كلام من تأليفنا ..ده علم يا جمااااااااعة )
تعالوا بقى نشوف الفطار
لو بتفطر كوباية شاي بحليب مع رغيف فينو تبقى راجل عصري وبتحب الناس تهتم بيك
ولو بتفطر بيض وجبنة و زيتون تبقىراجل بتحب الاستمتاع بالحياة
ولو مبتفطرش اصلا تبقى راجل مهمل ولاتحترم المواعيد
اما بالنسبة للمشروبات الساخنة فسوف ترى فيها العجب
اللي بيشرب الشاي سادة ده انسان متعب
واللي بيشرب القهوة سادة ده بقى انسان هدفه واضح ويحب السيطرة
اما الكتاكيت اللي بيضربوا كابتشينو دول يا جماعة ناس رومانسيين وغير واقعيين
اللي بيحبوا الشاي الاخضر دول ناس شخصيتهم حازمة وعندهم هوس على صحتهم
المشروبات الباردة
( نزل حاجة ساقعة للرجالة يا دعبس )
بتوع المياه الغازية دول ناس مغامرين
اما بتوع اللمون دول ناس صحبتهم حلوة ويعشقون البساطة
الناس بتوع العصير بطعم الفراولة ونكهة الاناناس وخلافه فدول ناس يسهل التعامل معاهم
تعالو بقى لآخر حاجة الوجبات
الفرافير بتوع الوجبات الخفيفة وسندوتشات آخر ساعة دول ياجماعة ناس مخلصة وبسيطة وبتحب اللمة
اما الناس المفترية اللي بيحبوا اللحمة فدي ناس متسلطة احيانا ( والله مش حقد طبقي ولا غيره ولا عشان اللحمة غالية ومنشفهاش إلا في المواسم والعيد الكبير دي الدراسة هي اللي بتقول كده )
اما اخوانا بتوع السمك والمأكولات البحرية بيحبوا القيادة وثقتهم بنفسهم ذيادة حبتين
بتوع الفراخ والطيور دي ناس اتكاليين بس حنينين وقلبهم ابيض
الناس بقى اللي بياكلوا بقوليات ( فول ..عدس..... الخ ) فدول ياجماعة ناس طيبين وهاديين وبيرضوا بواقعهم ( واعتقد أنه كلنا ذلك الرجل المستكين الواقف على عربية الفول والناس حواليه بتاكل في منتهى الرضا والقناعة )
والآن من أي أنواع الناس أنت ؟؟؟
يارب الموضوع يعجب مرتادي منتدانا الحبيب
دام عزكم وكثر أكلكم
اخيكم في الله
علي السماحي
مدرس علم النفس والاجتماع بالمدرسة
